Transcription
1
Seziesme jour du moys de febvrier, année
2
mil cinq centz septante quatre, au lieu
3
de Grane, rue publicque et au devant
4
de la maison de maître Françoys de Chamyval
5
illec c’est presenté sire Pierre Arnoux
6
tenent la poste pour le roy à Loriol et
7
à present à la ocoasion des troubles au
8
lieu de Grane, disant ce jourdhuy
9
au matin à porter … audit Grane,
10
avoir envoyé troys pacquetz quil
11
avoyt receu le jour de hier entre
12
six a sept heures du soir par Jehan
13
Garach dudit Grane, catholique, les
14
pourtant au lieu de Marsane où
15
est à present la poste de La Coucorde,
16
assavoir ung adressant au chivaucheur
17
de Marceilhe, ung au chivaucheur
18
d’Arles, ung au chivaucheur de Ville
19
Neufve de Advignon, lequel Garach
20
Postilhon, estant en chemin entre
21
my Grane et Marsane, a treuvé
22
ung nommé cappitayne d’Aulbrée
23
acompaigné de dix huict hommes
24
à cheval, lesquelz le sont venus
25
prendre au chemin et icelluy ont
26
conduict à la grange appellée de Tralie,
27
auquel ont osté lesditz pacquetz
28
et desserés en sa presence, luy
29
demandent sil estoyt de la religion ;
30
[247 v°] lequel, craignant iceulx sen est retorné
31
audit Grane le plus suptillement
32
quil a peu sans quilz luy ayent
33
jamais volu rendre les sac et
34
pacqués quil pourtoyt pour les
35
appourter là oùt ledit Pierre Arnoux
36
luy avoyt commandé ; et estre enquis
37
si ceulx que lavoint ainsi painé
38
estoint de la religion, a dit que
39
ouy pource que luy mesmes sen
40
est enquis avec daultres quilz avoynt
41
aussi painé au paravant qui
42
luy avoint dit quilz estoint de
43
la religion pretendue reformée. Et
44
sans faire aultre sejour, ledit Garach sen
45
est retorné au present lieu de Grane,
46
lesquelles choses susdictes, ledit Arnoux
47
a du tout requis actes à moy Predut,
48
notaire pour sen servir en temps et
49
lieu, lesquelles luy ay octroyées. Faict
50
au lieu que dessus, en presence de Anthoine
51
Rippert, messire Jehan Renire, prebtre à Loriol
52dudit lieu et lesdits Jehan [barré : Az ] Garach, Rippert
53
et Renire soubz signés, vue avec Lyon
54
[paraphes] Garach Renire
55
P[hilipp]e de Lyon
56
Berthorye